Y rhaglen ddysgu

Y Rhaglen Ddysgu

Yn ychwanegol i’r gefnogaeth a’r nawdd a gynigir drwy’r Gronfa Gymunedol, bydd Maes Awyr Caerdydd yn datblygu rhaglen addysgu gynhwysfawr ar gyfer sefydliadau addysgiadol lleol.

Bydd y rhaglen isod yn cael ei chynnig o fis Hydref i fis Mai yn unig

Bydd y rhaglen yn cynnwys y canlynol, ond heb ei chyfyngu iddyn nhw;

1. Teithiau/cyflwyniadau ar safle’r maes awyr

• Ysgol Gynradd
• Ysgol Uwchradd
• Coleg
• Prifysgol

2. Cyflwyniadau heb fod ar y safle/darlithoedd

• Ysgol Gynradd
• Ysgol Uwchradd
• Coleg
• Prifysgol

3. Cynlluniau ar gyfer ysgolion/ astudiaethau o achosion penodol

• Ysgol Gynradd
• Ysgol Uwchradd
• Coleg
• Prifysgol

4. Profiad gwaith

Cyfyngir y gweithgaredd uchod i dymor y gaeaf, Hydref i Fai yn unig.

Teithiau a chyflwyniadau yn y maes awyr

Cyfyngir rhain i 30 ymwelydd bob sesiwn. Bydd y sesiynau yn para 1 - 2 awr yn ddibynnol ar oed yr ymwelwyr.

Codir tâl o uchafswm o £100 am bob ymweliad er mwyn clirio’r costau cysylltiedig.  Trafodir a chytunir ar unrhyw gostau ychwanegol ymlaen llaw.

Bydd y cyflwyniadau wedi’u paratoi ymlaen llaw ac wedi’u addasu ar gyfer anghenion addysgiadol yr oedran fydd yn bresennol. 

Noder os gwelwch yn dda bod pob taith a chyflwyniad yn y maes awyr ar gyfer y flwyddyn ysgol 2010/11 wedi’u llenwi. Derbynnir ceisiadau ar gyfer 2011/12 nawr.

Cyflwyniadau heb fod ar y safle/darlithoedd a chynlluniau/astudiaethau o achosion penodol

Bydd pob cais yn cael ei ystyried yn unigol gan ddibynnu ar nod ac amcan y gweithgaredd ynghyd â’r adnoddau staffio angenrheidiol. 

Gwneud cais

I wneud cais am gefnogaeth, rhaid i’r sefydliad addysgiadol anfon cynllun arfaethedig yn ysgrifenedig gan nodi’n fanwl sut y byddent yn dymuno defnyddio cefnogaeth y maes awyr.

Ar gyfer teithiau a chyflwyniadau rhaid i’r sefydliad hefyd ddarparu’r wybodaeth ganlynol;

• Nifer y disgyblion/myfyrwyr ynghlwm â’r cynllun
• Oed a gofynion addysgiadol y disgyblion/myfyrwyr
• Dyddiadau ac amser dymunol ar gyfer y gweithgaredd (o fewn ffiniau’r maes awyr)

Am fanylion cyswllt cliciwch yma.